ବାତ୍ୟା ‘ଅର୍ଣ୍ଣବ’ ପାଇଁ ୨୧ ଟ୍ରେନ୍‌ ବାତିଲ୍‌ କଲା ରେଳ ବିଭାଗ

ଭୁବନେଶ୍ୱର: ବାତ୍ୟା ‘ଅର୍ଣ୍ଣବ’ ପାଇଁ ୨୧ ଟ୍ରେନ୍‌ ବାତିଲ୍‌ କରିଛି ପୂର୍ବତଟ ରେଲୱେ। ରାୟଗଡ଼ା ଯାଏଁ ଯିବାଆସିବା କରିବ ହୀରାଖଣ୍ଡ ଏକ୍ସପ୍ରେସ୍‌ଭୁବନେଶ୍ୱର-ସିକନ୍ଦରାବାଦ ଏକ୍ସପ୍ରେସ୍‌ ୨୯ ତାରିଖ ଯାଏଁ ବାତିଲ ହୋଇଛି।ଭୁବନେଶ୍ୱର-ପୁଣେ ସାପ୍ତାହିକ ଏକ୍ସପ୍ରେସ ଆଜି ପାଇଁ ବାତିଲ୍। ୨୮ ତାରିଖରେ ରାୟଗଡ଼-ଗୁଣ୍ଟୁର ଏକ୍ସପ୍ରେସ ବାତିଲ୍। ସେହିପରି ୩୧ ତାରିଖ ଯାଏଁ କୋରାପୁଟ- ବିଶାଖାପାଟଣା ଏକ୍ସପ୍ରେସ୍‌ ବାତିଲ ହୋଇଛି। କୋରାପୁଟ- ବିଶାଖାପାଟଣା ପାସେଞ୍ଜର ୩୧ ଯାଏଁ ବାତିଲ୍ କରାଯାଇଛି। ରାଉରକେଲା- ଜଗଦଳପୁର ଏକ୍ସପ୍ରେସ୍‌ ୨୯ରୁ ୪ଯାଏଁ ବାତିଲ୍ ହୋଇଛି।

ଅନ୍ୟପଟେ ସମ୍ଭାବ୍ୟ ବାତ୍ୟାକୁ ନେଇ ଆଶଙ୍କା ବଢ଼ୁଥିବା ବେଳେ ରାୟଗଡା ଜିଲ୍ଲା ଗୁଣୁପୁରରେ ଜୋରଦାର ପ୍ରସ୍ତୁଚି ଚାଲିଛି । ବାତ୍ୟାର ମୁକାବିଲା ପାଇଁ ଗୁଣୁପୁରରେ ପହଞ୍ଚିଛନ୍ତି ଓଡ୍ରାଫ୍ ଟିମ୍।ସମ୍ଭାବ୍ୟ ବାତ୍ୟା ଅର୍ଣ୍ଣବକୁ ଦୃଷ୍ଟିରେ ରଖି ଚିତ୍ରକୋଣ୍ଡା ଜଳଭଣ୍ଡାରରେ ମୋଟର ଲଞ୍ଚ ଯାତାୟାତ ସେବା ବନ୍ଦ କରିଛି ଜିଲ୍ଲା ପ୍ରଶାସନ। ବାତ୍ୟା ସମୟରେ ପ୍ରବଳ ପବନ ଓ ଖରାପ ପାଗ ଯୋଗୁଁ ଜଳପଥରେ ଯାତାୟାତ ବିପଦପୂର୍ଣ୍ଣ ହେବାର ଆଶଙ୍କା ରହିଛି।