ଆଜି ମଇଦାନକୁ ଓହ୍ଲାଇବେ କି ବୈଭବ ସୂର୍ଯ୍ୟବଂଶୀ: କଣ କହୁଛି ସୂତ୍ର, ପ୍ଲେଇଂ ଇଲେଭେନ ହେବ କେମିତି?

ହାଇଦ୍ରାବାଦ: ଟି-୨୦ ଫର୍ମାଟରେ ଆଜି ମଇଦାନକୁ ଓହ୍ଲାଇବେ କି ବୈଭବ ସୂର୍ଯ୍ୟବଂଶୀ। ଭାରତ ଏବଂ ୱେଷ୍ଟଇଣ୍ଡିଜ୍ ମଧ୍ୟରେ ପାଞ୍ଚ ମ୍ୟାଚ୍ ବିଶିଷ୍ଟ ଟି-୨୦ ଶୃଙ୍ଖଳା ଜାରି ରହିଛି। ଏପର୍ଯ୍ୟନ୍ତ ତିନୋଟି ମ୍ୟାଚ୍ ଖେଳାଯାଇଛି। ଏଥିରୁ ଭାରତ ପ୍ରଥମ ଏବଂ ତୃତୀୟ ଟି-୨୦ ଜିତିଛି। କାରିବିଆନ୍ ଦଳ ଦ୍ୱିତୀୟ ଟି-୨୦ରେ ବିଜୟ ହାସଲ କରିଥିଲା।

ଦୁଇ ଦଳ ମଧ୍ୟରେ ଚତୁର୍ଥ ଟି-୨୦ ବୁଧବାର ଆଜି ସନ୍ଧ୍ୟାରେ ହାଇଦ୍ରବାଦସ୍ଥିତ ରାଜୀବ ଗାନ୍ଧୀ ଅନ୍ତର୍ଜାତୀୟ କ୍ରିକେଟ୍‌ ଷ୍ଟାଡିୟମରେ ଖେଳାଯିବ। ଭାରତ ଏବଂ ୱେଷ୍ଟଇଣ୍ଡିଜ୍ ମଧ୍ୟରେ ଚତୁର୍ଥ ଟି-୨୦ ହାଇଦ୍ରାବାଦର ରାଜୀବ ଗାନ୍ଧୀ ଅନ୍ତର୍ଜାତୀୟ ଷ୍ଟାଡିୟମରେ ଅନୁଷ୍ଠିତ ହେବ। ଚତୁର୍ଥ ଟି-୨୦ରେ ଭାରତର ପ୍ଲେଇଂ ଇଲେଭେନ କିପରି ଦେଖାଯାଇପାରେ ତାହାକୁ ନେଇ କ୍ରିକେଟ୍‌ ପ୍ରଶଂସକ ଏବଂ ଦର୍ଶକମାନେ ଅପେକ୍ଷାରେ ଅଛନ୍ତି।ସବୁଠାରୁ ବଡ଼ ପ୍ରଶ୍ନ ହେଉଛି ବୈଭବ ସୂର୍ଯ୍ୟବଂଶୀଙ୍କୁ ଚତୁର୍ଥ ଟି-୨୦ରେ ସୁଯୋଗ ମିଳିବ କି ନାହିଁ। ପ୍ରଶଂସକମାନେ ବୈଭବଙ୍କୁ ଖେଳିବାକୁ ଚାହିଁପାରନ୍ତି, କାରଣ ସେ ଆସିବା ମାତ୍ରେ ପ୍ରାୟତଃ ଚୌକା ଏବଂ ଛକା ମାରିଥାନ୍ତି। କିନ୍ତୁ ସେମାନଙ୍କୁ ଅପେକ୍ଷା କରିବାକୁ ପଡ଼ିପାରେ। ଯଦିଓ ଅଭିଷେକ ଏବଂ ବୈଭବ ଏସୀୟ କ୍ରୀଡ଼ାରେ ଇନିଂସ ଓପନ କରିଥିଲେ, ଏବଂ ସାମସନ ତୃତୀୟ ନମ୍ବରରେ ଖେଳିଥିଲେ, ଚତୁର୍ଥ ଟି-୨୦ରେ ଏହା ହେବାର ସମ୍ଭାବନା କମ୍।