ଆଜିଠାରୁ ଶସ୍ତା ହେଲା ବାଣିଜ୍ୟିକ ଏଲପିଜି ସିଲିଣ୍ଡର:ପ୍ରତି ସିଲିଣ୍ଡର ୧୮୩.୫୦ ଟଙ୍କା ହ୍ରାସ ପାଇଛି

ନୂଆଦିଲ୍ଲୀ: ଜୁଲାଇ ପ୍ରଥମ ଦିନରେ ସାଧାରଣ ଜନତା ଘରୋଇ ଏଲ୍‌ପିଜି ସିଲିଣ୍ଡର ଉପରେ କୌଣସି ଆଶ୍ୱସ୍ତି ପାଇ ନଥିଲେ ମଧ୍ୟ ବାଣିଜ୍ୟିକ ବ୍ୟବହାରକାରୀ (ରେଷ୍ଟୁରାଣ୍ଟ, ଢାବା, ହୋଟେଲ, ଇତ୍ୟାଦି) ପାଇଁ ଏକ ଖୁସି ଖବର ଆସିଛି। ତେଲ କମ୍ପାନିଗୁଡ଼ିକ ୧୯ କିଲୋଗ୍ରାମ ବାଣିଜ୍ୟିକ ଏଲ୍‌ପିଜି ସିଲିଣ୍ଡରର ମୂଲ୍ୟ ୧୭୪ରୁ ୧୮୩.୫୦ ଟଙ୍କା ପର୍ଯ୍ୟନ୍ତ ହ୍ରାସ କରିଛନ୍ତି।ଅନ୍ୟପକ୍ଷରେ ତେଲ କମ୍ପାନିଗୁଡ଼ିକ ୧୪.୨ କିଲୋଗ୍ରାମ ଘରୋଇ ଏଲ୍‌ପିଜି ସିଲିଣ୍ଡରର ମୂଲ୍ୟରେ କୌଣସି ପରିବର୍ତ୍ତନ କରିନାହାଁନ୍ତି ଏବଂ ସେମାନଙ୍କର ମୂଲ୍ୟ ଅପରିବର୍ତ୍ତିତ ରହିଛି।

ଦିଲ୍ଲୀରେ ସବୁଠାରୁ ବଡ଼ ଆଶ୍ୱସ୍ତି ମିଳିଛି। ପ୍ରତି ସିଲିଣ୍ଡର ୧୮୩.୫୦ ଟଙ୍କା ହ୍ରାସ ପାଇଛି। ଲକ୍ଷ୍ନୌ ଏବଂ ପାଟନାରେ ମଧ୍ୟ ସମାନ ହ୍ରାସ ଲାଗୁ କରାଯାଇଛି। କୋଲକାତାକୁ ସାମାନ୍ୟ କମ୍ ଆଶ୍ୱସ୍ତି ମିଳିଛି (୧୭୪ଟଙ୍କା)। ଇଣ୍ଡିଆନ ଅଏଲର ନୂତନ ଦର ଅନୁସାରେ ୧୯ କିଲୋଗ୍ରାମ ବାଣିଜ୍ୟିକ ସିଲିଣ୍ଡରର ମୂଲ୍ୟ ୧୮୩.୫୦ ଟଙ୍କା ହ୍ରାସ ପାଇ ୨,୯୩୦ ଟଙ୍କା ହୋଇଛି, ଯାହା ପୂର୍ବ ୩,୧୧୩.୫୦ ଟଙ୍କା ଥିଲା। ପାଟନାରେ ଘରୋଇ ସିଲିଣ୍ଡରର ମୂଲ୍ୟ ୧,୦୩୧.୫୦ ଟଙ୍କା।ଏକ ବାଣିଜ୍ୟିକ ସିଲିଣ୍ଡର ଏବେ ୩,୨୨୭ ଟଙ୍କାରେ ଉପଲବ୍ଧ ହେବ।