ମୁମ୍ଵାଇ ୦୯।୧୧: ଶାରୀରିକ ନିର୍ଯ୍ୟାତନା ମାମଲାରେ ଫସି ରହିଥିବା ମାଲାୟାଲମ୍ ଅଭିନେତା ଦିଲ୍ଲୀପ୍ ପୁଣି ଅଡୁଆରେ ପଡିଛନ୍ତି। କେରଳ ହାଇକୋର୍ଟ ଏବେ ଏହି ମାମଲାରେ କାର୍ଯ୍ୟାନୁଷ୍ଠାନ ଗ୍ରହଣ କରି କେରଳ ପୋଲିସ୍ର ଦ୍ଵାରା ସର୍ତ୍ତ ଉଲ୍ଲଂଘନ ଜାମିନକୁ ବାତିଲ କରିବାକୁ ଆବେଦନ ଉପରେ ଦିଲୀପଙ୍କୁ ନୋଟିସ ଜାରି କରିଛନ୍ତି। ଏଥି ସହିତ, ଏର୍ନାକୁଲମର ପ୍ରିନ୍ସିପାଲ ସେସନ୍ସ କୋର୍ଟରେ ପ୍ରମାଣ ନଷ୍ଟ ହେବାର ଅପରାଧରେ ଦିଲୀପ ଏବଂ ତାଙ୍କ ବନ୍ଧୁମାନଙ୍କୁ ମୁକ୍ତ କରିଥିବା ଆବେଦନକୁ ମଧ୍ୟ ଖାରଜ କରି ଦେଇଛନ୍ତି। ଏଥି ସହିତ ଦିଲୀପ ଏବଂ ସାରଥଙ୍କ ବିରୋଧରେ ପ୍ରମାଣ ନଷ୍ଟ କରିବାର ଅଭିଯୋଗ କରାଯାଇଛି।
କହିବାକୁ ଗଲେ ଏହି ମାମଲା ଫେବୃଆରୀ ୨୦୧୭ ଅଟେ । ଯେତେବେଳେ ତାମିଲ ଏବଂ ତେଲୁଗୁ ସିନେମାରେ କାମ କରୁଥିବା ଜଣେ ଅଭିନେତ୍ରୀ ସୁଟିଂରୁ ଘରକୁ ଫେରୁଥିଲେ, ସେତେବେଳେ ତାଙ୍କୁ ରାସ୍ତାରେ ଅଟକ ରଖାଯାଇଥିଲା । ପରେ ଅଭିନେତ୍ରୀ ଜଣକ ଦୁଇ ଘଣ୍ଟା ଧରି ଶାରୀରୀକ ନିର୍ଯ୍ୟାତନାର ଶିକାର ହୋଇଥିଲେ। କୌଣସି ପ୍ରକାରର ନିଜ ଜୀବନ ରକ୍ଷା କରିବା ପରେ ସେଠାରୁ ଖସି ପଳାଇବାରେ ସଫଳ ହୋଇଥିଲେ ଏବଂ ସେ ସେହି ଲୋକଙ୍କ ବିରୋଧରେ ପୋଲିସ ନିକଟରେ ଅଭିଯୋଗ କରିଥିଲେ।