ମୁମ୍ବାଇ: ଦିଲ୍ଲୀ ପୁଲିସର ସ୍ପେଶାଲ୍ ସେଲ୍ ମୁମ୍ବାଇର ଜବାହରଲାଲ ନେହେରୁ ବନ୍ଦରରୁ ଏକ କଣ୍ଟେନରରେ ପ୍ୟାକ୍ ହୋଇଥିବା ବ୍ୟାପକ ହେରୋଇନକୁ ଜବତ କରିଛି | ଗୁପ୍ତ ସୂଚନା ଆଧାରରେ ଦିଲ୍ଲୀ ପୁଲିସ ପକ୍ଷରୁ କରାଯାଇଥିବା ଏହି ଚଢ଼ାଉରେ ୩୪୫ କିଲୋଗ୍ରାମ ହେରୋଇନ ଜବତ କରାଯାଇଛି | ଯାହାର ମୂଲ୍ୟ ୧୭୨୫ କୋଟି ଟଙ୍କା ବୋଲି ଜଣାପଡିଛି | ସେପ୍ଟେମ୍ବର ୬ରେ ଦିଲ୍ଲୀର କାଳିନ୍ଦୀ କୁଞ୍ଜ ଅଞ୍ଚଳରୁ ଗିରଫ ହୋଇଥିବା ଦୁଇ ଆଫଗାନିସ୍ତାନ ନାଗରିକଙ୍କଠାରୁ ଏବାବଦରେ ଜଣାପଡିଥିଲା। ସ୍ପେଶାଲ୍ ସେଲର ସ୍ୱତନ୍ତ୍ର କମିଶନର କହିଛନ୍ତି ଯେ ଏହି ହେରୋଇନ ଜୁନ ୨୧, ୨୦୨୧ ଠାରୁ ଏହି କଣ୍ଟେନରରେ ଥିଲା | ତେବେ କୌଣସି ବି ଏଜେନ୍ସି ଏବାବଦରେ ଜାଣିବାକୁ ପାଇନଥିଲେ |
