ମୁମ୍ବାଇ: ଆଜି ସକାଳେ ୬୨ ବର୍ଷୀୟ କୋଟିପତି ଉଦ୍ୟୋଗୀ, ସେୟାର୍ ବ୍ୟବସାୟୀ ଏବଂ ନିବେଶକ ରାକେଶ ଝୁନ୍ଝୁନ୍ୱାଲାଙ୍କର ଦେହାନ୍ତ ହୋଇଯାଇଛି। ସକାଳ ୬.୪୫ରେ ତାଙ୍କୁ ମୃତାବସ୍ଥାରେ ମୁମ୍ବାଇସ୍ଥିତ ‘ବ୍ରିଚ୍ କ୍ୟାଣ୍ଡି ହସ୍ପିଟାଲ୍’କୁ ଅଣାଯାଇଥିବା କଥା ବିଶେଷସୂତ୍ରରୁ ଜଣାପଡ଼ିଛି।
ସୂଚାଯୋଗ୍ୟ, ଅଗଷ୍ଟ ୭ ତାରିଖରେ ଉଡ଼ାଣ ଆରମ୍ଭ କରିଥିବା ‘ଆକାଶ ଏୟାର୍’ର ସେଥିଲେ ଅନ୍ୟତମ ସହ-ସଂସ୍ଥାପକ। ‘ୱାରେନ୍ ବଫେ ଅଫ୍ ଦି ଇଣ୍ଡିଆନ୍ ମାର୍କେଟ୍’ ଏବଂ ‘ବିଗ୍ ବୁଲ୍’ ଭାବେ ପରିଚିତ ଝୁନ୍ଝୁନ୍ୱାଲା କିଛି ଦିନ ହେବ ଅସୁସ୍ଥ ଥିଲେ। ‘ଫୋର୍ବସ୍’ ଆକଳନ ଅନୁସାରେ, ତାଙ୍କ ସମୁଦାୟ ସମ୍ପତ୍ତିର ମୂଲ୍ୟ ପ୍ରାୟ ୫.୫ ବିଲିୟନ୍ ଡଲାର୍।