ପାଟନା: ବିହାର ରାଜଧାନୀ ପାଟନାରେ ଜେଡିୟୁ ପକ୍ଷରୁ ଆୟୋଜିତ ଏକ କାର୍ଯ୍ୟକ୍ରମରେ ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ବିଜେପିକୁ କଡା ଟାର୍ଗେଟ କରିଛନ୍ତି | ଏହା ସହ ମଞ୍ଚ ଉପରେ ଭାଷଣ ଦେବାବେଳେ ସେ ରାଗି ଯାଇଥିଲେ। ସେ କହିଛନ୍ତି ଯେ ବିଜେପି କେଉଁଠାରେ ହାରିଛି ସେନେଇ କୌଣସି ଆଲୋଚନା ହେଉନାହିଁ, କିନ୍ତୁ ଯେଉଁଠି ଜିତୁଛି ସେ ବିଷୟରେ ହେଡଲାଇନ ପ୍ରସ୍ତୁତ କରାଯାଉଛି। ନୀତୀଶ କହିଛନ୍ତି ଯେ ୨୦୦୫ ଏବଂ ୨୦୧୦ ମସିହାକୁ ମନେପକାନ୍ତୁ, ଯେତେବେଳେ ଆମେ ଏକାଠି ଥିଲୁ, କେତେ ଆସନ ଜିତୁଥିଲୁ | ଗତ ବିଧାନସଭା ନିର୍ବାଚନରେ ସେମାନେ(ବିଜେପି) ଆମକୁ ପରାସ୍ତ କରୁଥିଲେ। ସେମାନେ କେବଳ ଆମ ବିରୋଧରେ ପ୍ରାର୍ଥୀ ଦେଉଥିଲେ। ମୁଁ ମୁଖ୍ୟମନ୍ତ୍ରୀ ହେବାକୁ ଚାହୁଁନଥିଲି, କିନ୍ତୁ ମୋତେ ଜବରଦସ୍ତ ମୁଖ୍ୟମନ୍ତ୍ରୀ କରାଯାଇଥିଲା |
