ବିଧାୟକ ପ୍ରଣବ ପ୍ରକାଶ ଦାସଙ୍କୁ ଯାଜପୁର କ୍ରିକେଟ ଆସୋସିଏସନ୍ ଓସିଏକୁ ପଠାଇବା ପରେ, ସଭାପତି ପଦ ଉପରେ ତାଙ୍କର ନଜର ଥିବା ଅନୁମାନ କରାଯାଉଥିଲା । ଯାହା ଆଜି ପୁରୀରେ ବସିଥିବା ବୈଠକରେ ସ୍ପଷ୍ଟ ହୋଇଯାଇଛି । କୁହାଯାଉଛି ଓସିଏର ପୂର୍ବତନ ସମ୍ପାଦକ ଆଶୀର୍ବାଦ ବେହେରାଙ୍କ ନେତୃତ୍ୱରେ ପୁରୀର ଏକ ହୋଟେଲରେ ଏକାଠି ହୋଇଥିଲେ ଓଡିଶା କ୍ରିକେଟ୍ ଆସୋସିଏସନର ୪୨ ସଦସ୍ୟ । ଆଉ ସମସ୍ତେ ପ୍ରଣବ ପ୍ରକାଶ ଦାସଙ୍କୁ ଓସିଏ ସଭାପତି ପ୍ରାର୍ଥୀତ୍ୱ ନେଇ ସମ୍ମତି ଜଣାଇଥିବା କୁହାଯାଉଛି ।
